XOSÉ CARLOS CANEIRO

INCLÚE UN POEMA SOBRE BASES ELECTRÓNICAS Caneiro grava un disco para "recuperar a ilusión" pola literatura [21/03/2006 19:06] Trinta anos despois do nacemento do rap, e despois de que Yolanda Castaño e Jaureguízar, entroutros, fixesen o mesmo en Galiza, o escritor galego Xosé Carlos Caneiro decidiuse a gravar De bar en bar. Os poemas prohibidos. 21 artefactos poéticos de Caneiro con Manolo Garrido, director da Banda de Gaitas de Verín, á flauta e un máis, As flores entre a herba, con apuntes de regueifa e bases electrónicas. Nesta web podedes baixar as últimas creacións do escritor galego, que busca "recuperar a ilusión" pola literatura. O día 24 preséntaas no Teatro Principal de Ourense.