ensinargalego

Os alumnos de 2º de bacharelato que cursan a materia de Literatura Galega do século XX crean un blog para dar a coñecer as actividades realizadas en clase. Nel publican os seus traballos de aula, as poesías, relatos e comentarios de textos ou composicións sobre temas propostos na aula. Esta actividade foi moi ben acollida por todos eles. Xa dominan completamente o mecanismo e todas as semanas publican algo novo. Para o profesor tamén é un instrumento de traballo moi útil, posto que pode recibir todos os traballos de inmediato e, ademais, permítelle facer comentarios ou suxestións sobre os mesmos. Por outra banda, tamén lle facilita o envío de información diversa, como poden ser concursos literarios, noticias relacionadas coa materia, actividades ou exercicios varios. Consideramos que foi unha excelente iniciativa, posto que aos alumnos, ademais, de empregala este ano e nesta materia, tamén lles permitirá aproveitala no futuro como instrumento de traballo nas súas carreiras ou estudos que realicen.

O galego en INTERNET . É moi importante non desaproveitar este medio de comunicación como nos pasou antes coa prensa, radio, televisión, ós cales subimos moi tarde, non no seu momento, é dicir, cando apareceron. Todos sabemos e somos conscientes do papel que desempeñan os medios de comunicación na Normalización Lingüística. Non o desaproveitemos! Empreguemos o noso idioma na confección do blog!